Ja, es waer scho lang Zyt gsi fuerne noeie Blog….sit Puerto Madryn a dr Oschtkueschte vo Argentinie hei mir ues nuemme gmeudet. Sit haer hei mir aber scho wieder einiges erlaebt. Nachem Usflug i Tierwelten bi Peninsula Valdes simer wieder mit em Boes (17h) vo Puerto Madryn nach El Calafate. El Calafate isch es chlyses Kaff ganz im Suede vo Argentinie, wo aus Usgangsort fuer Besichtigungen vo Gletscher u Nationalpaerk dient u usgseht wine Schwizer Schiort. Nachdem mir dert zerscht ei Nacht z’Dritt imne Holzhuesli, wo grad fuernes Paerli glaengt haett, uebernachtet hei, simer dr weutberuehmt Perito-Moreno-Gletscher ga aluege. Dr Gletscher isch guet 60km laeng, vore bir Zunge 5km breit u 60m hoech. Das isch u idruecklaech gsi u eis vo uesne Top-highlights uf dr bisherige Reis. Mir si de naer o ines richtigs Backpackerhostel zueglet, wo mir o wieder zfride Fleisch gkochet u mit emne Sion-Fan-Walliser gjasset hei. Uesi Reis het ues de vo Calafate no meh i Suede nach Puerto Natales (Chile) gfuehrt. D’Fahrt dert haere isch nachem Grenzuebergang nach Chile duere bekanntischt Nationalpark vo Chile, dem Torres del Paine. Mir si dr ganz Tag duerde Nationalpark gfahre u he d’Houptattraktion, es Bergmassiv mit 3 spitzige Granitberge vo aune Site agluegt. Dr ganz Tag heimir auso imne Car verbracht, wo ues zu verschiedene Foto-spots fuer die 3 Berge gfahre het. Es isch anfaenglich sehr schoen u zfride gsi, mit dr Zyt e chli ermuedend u gwuessi vo ues si de o chli glaengwilet gsi. Mir si aemu de froh gsi, wo mir am Abe spaet aendlech in Puerto Natales si acho.
Keine Kommentare:
Kommentar veröffentlichen